一餐好味既泰國菜

今日放工見收得遲, 諗住自己一個人返屋企之際. 見到對面個同事又剛剛收工, 諗住係公司附近食完晚飯就返屋企, 原來同事有個好提議. 兩個麻甩佬就過了九龍食飯. 佢帶了我去一個 member only 既泰國餐廳食飯. 佢話自己以前係度做 part-time 所以至知. 老實講, 佢唔帶我都唔知原來有個咁好既地方.

佢話果度食品夠正宗, 每個地方既菜式都以該地正宗做法煮成. 我地今晚食了咖哩蝦, 泰式通菜同個西柚沙律. 前菜原來係間餐廳既招牌小食, 食落真係唔錯. 起初見到隻辣椒以為係辣, 點知原來係假象. 除了唔辣外, 仲保留西柚既原汁原味. 而個咖哩蝦雖然係辣, 但係都算食到. 雖然係開邊蝦, 但係隻隻都有成隻手掌咁長, 加上咖哩汁撈飯, 簡直係完美既配合.

當然, 間餐廳價錢唔係一般餐廳既價錢, 但勝在唔多人, 而且好食. 都值得一去再去.

Please leave your comment on the topic