慘痛既教訓

話說早幾日細佬剛剛出院, 以為醫生話佢出得院至返屋企, 點知原來係佢要求出院. 今日諗住出去 d 普通診所洗傷口, 點知醫生唔夠膽搞, 反而 refer 返入院. 走來走去搞了一輪, 最後都係要留院. 都好彩醫院肯接返佢個 case, 如果唔係日日係屋企都唔知要休養幾耐至會好返.

希望佢會快 d 好返啦~!

萬眾祈待

黃大仙求之旅

今日同女朋友去了黃大仙, 一心諗住還神, 點知搞搞下搞到加插求簽事件. 因為之前搵開果個人大排長龍, 搞到要過擋第二間. 最慘係新搵果間所解釋得唔係太合心. 只係求其講了簽文大意之後就話要睇相, 又話要買符. 只係過了十多分鐘, 口袋就無了一百. 返屋企上網搵解簽網, 仲解釋得詳盡. 下次都係搵返自己去開果間會好 d.

http://www.andyaska.com/?act=augury&mode=wongtaisin

是日金句 – 追女必殺

1. 有錢 2. 靚仔 是旦有一樣都得 講完

解救 MS Outlook

今日俾人問起一個舊版 Outlook 一定會遇到既問題, pst 差不多 2gb. 依個問題其實一早知道答案, 但係詳細既解決方法都係今日至上網搵. 就同大家分享一下啦.

Microsoft 有個叫 PST2GB 既程式, 主要係將個 pst 唔要最後一定數量 MB 數既 email. 壞處就係未必成個 pst 可以救得返. 而且要做幾次至可以完全解決問題.

當然有人會話上 Outlook 2003 可以解決問題, 但因為個 PST 本身仲未 convert 去做 Outlook 2003 pst file format, 所以都係無計, 一定要用 software 拆細先.

所以現在希望各位有識之士提供解決方法. 小弟十二萬分感激.

電腦 upgrade

今日下定決心將自己部 server upgrade 做最新版本.

大昏迷

今日本來約了女朋友出街, 點知一起身就覺得自己唔多舒服, 食完早餐個人仲係手軟腳軟, 唯有下星期再去, 自己就係屋企大昏迷.

殘念…

放假… 放假… 好想放假, 耐何無錢, 又未諗到去邊度. 真係得個恨字.

辛勞既一日

今日終於再次繼續一個停了好耐既項目, 但係亦都係依個項目最差一次既會議. 之前已經因為時間既問題搞到差不多大半日. 今日就因為無足夠會議資料, 搞到個個都得個聽字, 而且亦因為聯絡既問題搞到要出現既人無出現, 出現既人又解決唔到問題. 最後仲因依件事俾人照肺, 真係無奈. 都因自己唔生性, 唯有下次小心應付.

臨放工前發現有個系統有問題, 搞到無端端要開 OT, 聽日仲要返工, 有時都真係會諗自己當初既決定係唔係錯咗. 不過點諗都唔可以返轉頭, 而且依個決定都係因為某些條件比之前好至入來, 所以只有向前看至可以解決問題.

奇怪既石像

今日行過旺角某商場, 發現有幾個石頭人像. 諗住罷返幾個搞笑 post, 但係出來既效果就唔太好笑. 同大家分享一下啦~

一個入門既測試

自上次搞了一大餐後,今日終於完成初步測試。雖然有好多自己設定既試驗品未完成,但勝在有其他試驗品,所以都唔係問題。無論點都好,今次係一個好好既經驗,要不斷以今次事例提醒自己改變處方法。